बबुआ के बाप-दादा कोदो खात रहले 

बबुआ के मिलल दाल-भात भारत देश में |

बबुआ के बाप जानस पढ़े-लिखे कुछु नाहीं

बबुआ के मिलल शिक्षा-अधिकार भारत देश में |

बैलगाड़ी ,छकड़ा आ हाथी-घोडा बाप जनले

बबुआ जानेले    मंगलयान     भारत  देश में  |

बाटे दिक्दारी बहुत देश में बीमारी बहुत

धीरे-धीरे होते बा सजी के इलाज भारत  देश में |

काहें करीं हाय-हाय ; काहें रोयीं भायँ - भायँ

अपना कमीनी के करीं जयगान भारत देश में | 

धरीं, तनी धीरा धरीं , आपन काम नीके करीं

आपनहूँ दिहिं जोगदान भारत देश में |

देश के प्रशासन ,संविधान आ विधान के

दिल के भीतर से करीं समान भारत  देश में |

आईं, रउओ साथे आईं , एके सुर में गीत गाईं

ई देश ह महान आ जनता महान भारत देश में |